150 milljarðar evra í menntamál

.. það skiptir gífurlega miklu máli að hlúa vel að skólum landsins og það er hægt að gera með margvíslegum hætti.  Flestir kennarar á Íslandi hafa verið þátttakendur í Evrópusku samstarfsverkefni eða þekkja vel til þannig verkefnis innan síns skóla.   En nýverið skrifaði Ágúst Hjörtur Ingþórsson grein um hvernig samstarfið sem við höfum haft aðild að, í gegnum EES hefur skilað gífurlegum fjármunum í formi verkefna og styrkja til íslenskra nemenda og kennara. Nú hefur verið samið um þennan hluta í aðildarviðræðunum og loksins geta Íslendingar fengið sæti við borðið sem ákveður hvert þessir styrkir fara - og þá líka haft áhrif á í hvernig verkefni þeir fara.  

 

Ágúst bendir á í greininni að Íslendingar hafi fengið 10 milljarða umfram það sem þeir hafa lagt í sjóðinn - enda hafa mörg frábær verkefni verið styrkt hér á landi með þessum hætti, allt frá gerð fræðslutölvuleikja fyrir börn upp í bangsaskiptinema sem fara á milli leikskóla og kynna börnin fyrir mismunandi menningu ríkjanna. 

Mælum eindregið með greininni sem lesa má hér.

Athugasemdir

[Valdimar Samúelsson, 6.7.2011 kl. 14:31]

Bíðið við eru einhverjir Íslendingar að gráta út styrki og það kennarar. Eru þeir kannski að kristna ungviðið okkar ´með framtíðarmöguleika í huga að þeir kjósi með aðild að ESB. Skömm sé á ykkur. 

[Stefán Júlíusson (IP-tala skráð) 6.7.2011 kl. 16:08]

Valdimar:  Þetta hefur staðið lengi til boða,  ekki aðeins kennurum heldur einnig nemendur.

Þú ættir kanski að líta á það sem íslenskum nemendum stendur til boða hvað varðar nám í ESB.

Þetta eykur þekkingu á Íslandi og er ekki aðeins fyrir ESB sinna.  Af minni reynslu, þá eru fæstir sem fara í nám erlendis stuðningsmenn ESB.

[Jón Steinar Ragnarsson, 6.7.2011 kl. 23:52]

Bifröst, HÍ, HR og akademískir öryrkjar á Íslandi fá 10 milljarða eða nánast alla styrki ESB hér, til að skrifa og hugsa um ESB og níða þjóðerni, fullveldi og menningu okkar í uppskrúfuðum langlokum yfirþjóðerniskenndar ESB.

Það er því miður fleiri en þessir olnbogabættu flauelsjakkar sem halda efnahagnum gangandi hér, ja raunar alra síst þeir.  Styrkjalíf er ekki bara námsárin heldur allur ferill þessara manna.  Hverju skilar svo þessi akademía hér inn?  Einhver breikþrú sem menn muna í svipinn.

Menn skulu svo muna að styrkfé vex ekki a trjá, heldur er það alltaf tekið af fólkinu sjálfu í einhverri mynd skattlagningar. Fjárlög ESB blása út á hverju ári á meðan krafan um niðurskurð glymur í eyrum aðildarþjóðanna. 

Háskólarir eru útungunarstöðvar embættismannaelítunnar í ESB. Hinnar nýju aðalstéttar arðránsins.

[Stefán Júlíusson (IP-tala skráð) 7.7.2011 kl. 03:32]

Já, eða uppspretta þekkingar.