Eflum sjálfstæði okkar

Í dag talar enginn gegn því að vera í EES ekki einu sinni andstæðingar ESB aðildar - samt sem áður tökum við upp stóran hluta löggjafar ESB sem er samin alfarið í Brussel, án þess að við eigum þátt í því að semja þau lög! Þetta gera sér ekki allir grein fyrir og svona til að toppa þetta þá var það Davíð Oddsson sem innleiddi flestar ESB tilskipanir vegna EES samningsins í tíð sinni sem forsætisráðherra.  Hann er sannkallaður aðlögunarkóngur! 

 Eins og Baldur Þórhallsson benti á, á alþingi í dag er EES samningurinn mun ólýðræðislegri en hefðbundinn aðildarsamningur að ESB.  Og með því að ganga í ESB  þá aukum við sjálfstæði okkar með því að taka þátt í því að semja lögin sem við þurfum að lúta með hinum 27 löndunum.  Þannig tryggjum við sjálfstæði okkar með því að fá sæti við borðið þar sem fulltrúar landanna 27 (þar af 21 smáríki) komast að sameiginlegum ákvörðunum. 

 

Hér er fullt fullt af skemmtilegum viðtölum við fólk frá öllum landshornum sem segja afhverju þau trúa á að aðild muni vera okkar þjóð til gagns. 

Þjóð.is 

 

 

 

Nýtum ekki tækifærin innan EES

Athugasemdir

[Páll Þorsteinsson, 8.6.2011 kl. 22:13]

Það er nú verið að vinna í því á stjórnlagaráði að setja ákvæði í stjórnarskrá okkar um að fullveldisframsal sé heimilt. Hvernig aukum við sjálfstæði okkar með því að framselja fullveldi okkar?

Er það ekki svolítið öfug leið að því að auka stjálfstæði okkar?

http://lydurarnason.blog.is/blog/lydurarnason/entry/1171687/

Ekki þurftum við að gera það fyrir EES.

Hvernig getum við verið sjálfstæð ef við þurfum að framselja fullveldi okkar?

Með því að nýta þennan frábæra 0.8 % atkvæðisrétt okkar í esb?

Og að lokum er annars eitt sem ég hef velt svolítið fyrir mér, og það er, hvað græðir esb eiginlega á því að fá Ísland inní sambandið? Af hverju hafa þau áhuga á að vera tala við okkur um aðild?

Það væri gaman að fá svar við þessu frá einhverjum ykkar ultra esb-sinnum.

[Páll Þorsteinsson, 8.6.2011 kl. 22:21]

Finnst annars frekar lélegt af ykkur að vera ritskoða umræðuna hér og hvet ykkur til þess að hafa hana alveg opna!

Kv.

[Já Ísland, 20.6.2011 kl. 14:55]

Elsku Páll - við vorum bara ekki að fylgjast með kommentakerfinu - enginn að ritskoða neitt. Nú lofum við að fylgjast betur með svo þú þurfir ekki að bíða svona (samt ekki í júlí þá erum við voða mikið út í sólinni)

 En þú ert nú ekki alveg nákvæmur í kommentinu þínu, Íslendingar fá mann við borðið þar sem ákvarðanirnar eru teknar það veistu - og svo fá þeir hlutfallslegan sama fjölda þingmanna og aðrar þjóðir.